閨蜜本是女人肚里的蟲，你不必開口，一個眼神，閨蜜就能懂你心、知你意。因為閨蜜與你一起走過無數關口，你經歷過的，閨蜜都試過。不過，成家這回事，卻未必所有閨蜜都懂。

即將或已告別單身的你，可有覺得未婚閨蜜開始不懂你？你滔滔不絕地發表見解，她們只能聽而不能徹底分析；你的每個安排，她們都不能理解，你不禁心里想：「閨蜜已經不再明白我？」 其實不然。以下5件事，未婚閨蜜未經歷過，根本不會明。

1、早2年開始為婚禮頭痕

有閨蜜聽到被求婚的姊妹居然早2年開始籌備婚禮，第一反應是太早了吧，的確，香港新娘子早在1-2年前就要book定酒席、新娘化妝師（MUA）、攝影師等，要及早開始籌備，根本無機會mark實高質人選。不過在閨蜜立場，只會覺得你太心急、過份緊張罷了。

2、 影N輯婚紗相

新娘影多過1輯婚紗相，已成平常事。未婚閨蜜卻仍然停留一生人一本婚紗相簿的思想。「反正影完婚紗相都系擺床底，唔會再睇返，點解要嘥錢影咁多輯？」

閨蜜啊，到你結婚就知道，世上引誘太多，當你發現有幾件新到婚紗好靚，但大日子婚紗已定，唯有靠影多輯滿足一下；喺本地影完室內及戶外景，又發現日韓櫻花、紅葉季景色好吸引；當有攝影師做勁抵優惠時，又忍唔到手。總之，一生人一次魔咒，令你不得不趁機多影幾輯！

3、婚禮超預算

一生人一次婚禮，儀式搞到成場大龍鳳咁，未結過婚慨人會覺得太夸張，當新娘呻婚禮超預算時，閨蜜提你cut budget但渠又cut唔落手，自招煩惱。

其實婚禮有好多開支都要唔輪到新娘話事，未來奶奶放聲一定要五星級酒店擺酒；老爺又話要請曬鄉下親戚，50圍走唔甩...最后只能換走自己最鐘意慨婚紗，但都幫補唔到好多。

4、姊妹團為何不是我？

既然以好姊好相稱，閨蜜自然認定自己必是姊妹團最佳人選?？上ё罱K名單沒她份，不禁懷疑自己地位。

要做婚禮姊妹團，不止要夠friend，更要有專長，細心（照顧新娘）、識招呼人（迎賓）、管錢有道（收人情）等等都系姊妹團條件。如果新娘擁有太多閨蜜，唔能夠請某某做姊妹團，一定要解釋清楚，以免心中有隔閡。

5、生B湊B的煩惱

好姊妹大肚了！在閨蜜眼中就只有「做契媽」一個想法，卻不懂你的憂慮，例如要順產定開刀；公院定私院生；請陪月定搵奶奶湊，所有閨蜜未經歷過的階段，你都要自己挨過！